蟲二

营业中

休息中

旺角上海街618最近成为咗呢区新地标，今日就去咗位于顶楼嘅虫二。餐厅位处于空中花园，设有室内亦有室外座位，天气唔太热的话，室外都几受欢迎。虫二主打中日家庭料理，其中一汁三菜便当可以话系佢哋嘅signature之一，我哋就选择咗清酒酱烧鳗鱼，摆盘非常精致。每款食物都附有一张建议食法咭，真系体贴又细心。首先将一半鲣鱼昆布茶渍汤倒入日本谷米杞子酱油炊饭。然后茶渍饭就可以配以清酒酱烧鳗鱼一并享用。食咗一半茶渍饭之后，就可以混入63C慢煮蛋，令茶渍饭变得更加Creamy。渍物系豆腐同野菌，亦可以混入茶渍饭一齐食。估唔到一份午餐都可以咁讲究，食起上嚟都份外优雅。食完主食当然要食甜品，而虫二系以pancake起家，当然要试吓其中一款。桂花麻糬传统班戟伴以一大球雪糕，厚厚嘅班戟之内仲藏有软糯嘅麻糬，令口感更加丰富。班戟当然同样配有说明书。不过我就选择咗用自己嘅方法去品尝，因为好味嘅甜品点食都系咁正！点餐后仲可以优惠价叹饮品，洛神花水果茶酸酸味味又清甜，加入提子同薄荷叶就更清新。Baileys Choco就有淡淡的酒香，Baileys配朱古力真系冇得弹。