阿里郎熱狗棒 (已結業)

今日去咗一间街头小食店，专卖韩国嘅热狗棒同埋其他小食✨发现原来呢间都开咗一段时间，不过之前经过旺角冇发现🤣🌭芝薯拉丝热狗棒有薯仔粒粒喺面头，见到店员即刻炸，热辣辣咬落去即刻有长长嘅拉丝芝士。🧀鸳鸯芝士热狗棒呢个入面冇肠仔，全部都系满满嘅芝士，如果净系钟意食芝士嘅人可以食呢个。🍚牛肉韩式饭卷有满满嘅材料喺入面，食一条都会好饱。🍔炸鸡汉堡好大旧炸鸡，本身朋友以为系mini size，点知原来都好大个，一个人食都饱。🍲辣炒年糕鱼条呢个辣味就系韩国街头小食嘅味道，不过我觉得年糕可以再烟靭啲。🍜韩式粉丝今次拣啲嘢全部都系淀粉质🙈粉丝加咗酱油同埋麻油提升味道，好食。