河內越式料理 (西洋菜南街)

营业中

休息中

我不嬲都都钟意食越南菜的，我对越式法包情有独钟，可惜唔系每间越南餐厅都有卖又做得出色。最近同朋友们系旺角西洋菜南街闲逛，发现呢间「河内越式料理」，见佢餐牌有卖「越式三文治」，立刻勾起我嘅食欲，于是决定买外卖返佢屋企享用。我地一共点了五款食物：三款越式三文治（招牌越式、香茅牛肉同越式猪扒包）、顺化手打虾饼并捞檬以及极品牛三宝河粉。首先讲下包类，虽然佢写系越式三文治，但其实佢系用法包。越式猪扒包，外层面包烤得金黄酥脆，内层松软有嚼劲，猪扒腌制得恰到好处，肉质嫩，唔会干柴，正！招牌越式有猪肝酱，扎肉同其他香菜，萝卜丝等等，味道非常丰富！香茅牛肉都好有特色，味道可口！个顺化手打虾饼并捞檬，虾饼炸得金黄酥脆，虾肉鲜甜弹牙，檬粉QQ爽滑，份量十足，淋上特制的鱼露酱汁，酸酸甜甜，非常开胃。虾饼和捞檬的组合，好好味。最后是极品牛三宝河粉。汤底清澈见底，牛肉香气浓，饮起嚟鲜甜顺口，一点都唔油腻。牛肉选用的是牛腩、牛筋和牛肉片三种唔同部位嘅牛肉，口感层次丰富，牛腩软嫩入口即化，牛筋Q弹有嚼劲，牛肉片则鲜嫩多汁，每一口都充满惊喜。河粉滑溜顺口，吸饱了汤汁的精华，与牛肉搭配得天衣无缝，冬天食真系一流。