點鍋

营业中

休息中

嚟到兆万中心，喺芸芸咁多间打边炉任食嘅舖头入边，唔知大家去开嘅系边间呢？今次嚟到点锅，餐厅喺兆万中心3楼，唔需要等lift，行扶手电梯就到，10分方便。入到餐厅，职员帮我量体温，喷酒精消毒，俾人一种好安心嘅感觉。今次我哋拣咗沙嗲汤底，之后职员就俾咗海鲜拼盘同雪花肥牛我哋。海鲜拼盘入边有带子、鲜虾、蚬同埋鱼腩。最令人惊喜嘅系带子居然有刺身级数，蚬都好鲜甜。牛肉都好有肉味，唔会有跟筋。咁打边炉最紧要就系酱汁，点锅提供大量酱汁比客人自行配搭，其中我觉得麻辣酱系最香嘅。比较可惜嘅系冇平时大家喺其他打边炉店度见到嘅日式芝麻酱。至于其他配料方面，自家制紫菜响铃都相当唔错，紫菜应该都有炸过，食落脆卜卜。其他丸类多数入边都有芝士，几好食不过食得多会有啲滞。总的来说，点锅都系一间相当唔错嘅餐厅，做好卫生工作，服务态度亦好，加上味道唔错，值得一试。