影片
更多
2018-10-24
70 浏览
一向钟意动物嘅我，第一次体验猫咪咖啡厅，估唔到又真系几治愈。呢间位于旺角嘅店，数数手指我谂都起码有接近二十只猫，而且全部猫猫个性都相当乖巧，有部份仲会主动黏人，就算你平时多铁石心肠，比猫猫一嗲都立刻会溶化。话明咖啡厅其实都有饮品同套餐，想快快选择好就玩猫，我会建议叫个二人套餐，包括一个小食拼盘，以及饮品、沙律、汤、小食拼盘、主食分别各两份。就份量同价钱泥讲，可以话系相当化算，简直系不二之选。柯打之后饮品相当快到，我点咗一杯冻台式黑糖咖啡，至于味道唔会太浓，唔怕饮咗会训唔著。接住餐汤同沙律都继而到达，南瓜汤味道浓带甜，稀杰程度岩岩好，入口丰富嘅南瓜味道之余，口中仲有丝丝南瓜蓉。而沙律表现中庸，正常份量。其间拼盘都到了，分别有炸薯条、切咗片嘅司华力肠、炸滑丸。拼盘采用嘅中薯条，系我觉得最好嘅尺寸，外皮脆但内里绵；而炸滑丸，系第一次食嘅小食，好似系自家制嘅得意之作，几款颜色既炸脆皮，内里包住嘅系类似滑既食材，十分新奇！身处猫cafe，时间真系好快过，个主菜好似唔洗等又有得食了。分别柯打咗芝士肉酱意粉同烧烤酱黑毛猪肋骨。意粉份量多，两个人食岩岩好，味道方面唔会过咸，意粉烹煮既程度适宜，比想像中
话明咖啡厅其实都有饮品同套餐，想快快选择好就玩猫，我会建议叫个二人套餐，包括一个小食拼盘，以及饮品、沙律、汤、小食拼盘、主食分别各两份。就份量同价钱泥讲，可以话系相当化算，简直系不二之选。
柯打之后饮品相当快到，我点咗一杯冻台式黑糖咖啡，至于味道唔会太浓，唔怕饮咗会训唔著。接住餐汤同沙律都继而到达，南瓜汤味道浓带甜，稀杰程度岩岩好，入口丰富嘅南瓜味道之余，口中仲有丝丝南瓜蓉。而沙律表现中庸，正常份量。
其间拼盘都到了，分别有炸薯条、切咗片嘅司华力肠、炸滑丸。拼盘采用嘅中薯条，系我觉得最好嘅尺寸，外皮脆但内里绵；而炸滑丸，系第一次食嘅小食，好似系自家制嘅得意之作，几款颜色既炸脆皮，内里包住嘅系类似滑既食材，十分新奇！
身处猫cafe，时间真系好快过，个主菜好似唔洗等又有得食了。分别柯打咗芝士肉酱意粉同烧烤酱黑毛猪肋骨。意粉份量多，两个人食岩岩好，味道方面唔会过咸，意粉烹煮既程度适宜，比想像中更佳。而我自己更喜欢黑毛猪肋骨，因为烧烤酱配搭肉类嘅做法系最保守，所以表现亦都非常稳定，令人十分开胃嘅口味，而猪肋骨肉质刚刚好，唔会过韧且能够用刀叉撕出一丝丝嘅肉，对于我呢啲牙齿唔太灵活嘅人，可以话系相当好嘅选择！
总结，是次体验相当喜出望外，不论系店里嘅食物表现，而且猫猫嘅素质都系属于乖巧。听番朋友对于以前嘅体验，呢度嘅猫猫种类系比较繁多，而且亲切会主动亲近客人。最后我大概都坐咗一段长嘅时间先离开，店里嘅人都系表示好随和同欢迎，所以每个人先能够自然又舒服地放松一下心情。概括以上优点个人觉得呢度系值得推荐。
张贴
