貓啡

营业中

休息中

今日同个女去猫猫cafe，平时个啲未必比小朋友去玩，一家三口出去旺角猫猫Cafe,上到去地方都算大，可以选择坐位置都不错，啲猫猫好多，仲要好乖，任我哋摸，仲有啲好嗲会坐系大髀🥰坐低扫QR code 下单。我个女玩到唔舍得走，下次都可以再去玩。 招牌蒜香明太子蟹肉阔条面好香嘅蒜香同埋明太子嘅味道，有少少蟹肉，个碟上有两个猫猫手掌。温泉蛋卡邦尼扁意粉，几cream ，觉得扁意粉比较硬身，可以再煮多少少好啲。小食配薯角，热辣辣，好脆口，另外叫蜜糖鸡翼，呢个好岩小朋友食，小朋友食唔停口，同苹果汁都好大杯，热抹茶拿铁 ，拉花系猫手掌，抹茶味好浓味，好正。如果喜欢猫猫既朋友仔可以去坐下玩下猫饮杯野都几好。