影片
更多
2023-11-02
119 浏览
呢间位于旺角兆万中心10楼嘅大本瀛日式放题, 晚市黄金时段每位$258加一, 入座之后就见到叠落单纸, 我特别钟意呢本落单纸, 真系见证放题嘅历史一样。呢叠落单纸分别有刺身, 寿司, 手卷, 军舰, 冷盘, 和风料理, 一品料理, 炉端烧, 铁板烧, 炸物, 天妇罗, 南亚风味, 火锅等, 多达200 几款美食, 而饮品及甜品多达30 款, 晚市任饮任食两小时, 午市仲可以食足3 小时, 而且上菜都好快, 店主对食材好讲究认真, 就连寿司师傅都有3位, 所有寿司都系师傅手握出品, 一啲都唔马虎, 所以食物质素有一定保证, 店员服务态度友善, 勤快贴心又细心, 招呼周到。刺身大盘刺身, 新鲜, 摆盘卖相几靓, 包括有珍宝带子, 甜虾, 北寄贝, 马刀贝, 赤虾, 挪威三文鱼, 角螺, 鲍片等, 所有刺身人手刀即叫即切, 唔系机切定放系雪柜, 而且系厚切。食完再叫都系超新鲜, 一啲都唔会hea。寿司黑松露剑鱼腩寿司 , 啲松露味道好浓郁, 同剑鱼腩嘅组合超级正! 吞拿肉沙律军舰 , 蒜香牛油三文鱼寿司 , 蟹膏珍宝赤虾寿司 , 左口鱼边寿司, 香辣汁烧和牛寿司, 全部都好特别, 用料好足同
刺身
大盘刺身, 新鲜, 摆盘卖相几靓, 包括有珍宝带子, 甜虾, 北寄贝, 马刀贝, 赤虾, 挪威三文鱼, 角螺, 鲍片等, 所有刺身人手刀即叫即切, 唔系机切定放系雪柜, 而且系厚切。食完再叫都系超新鲜, 一啲都唔会hea。
寿司
黑松露剑鱼腩寿司 , 啲松露味道好浓郁, 同剑鱼腩嘅组合超级正! 吞拿肉沙律军舰 , 蒜香牛油三文鱼寿司 , 蟹膏珍宝赤虾寿司 , 左口鱼边寿司, 香辣汁烧和牛寿司, 全部都好特别, 用料好足同卖相都精致, 人手握同机整真系差好远, 呢个真系要加分,！仲有黑松露珍宝带子寿司, 柚子象拔蚌焘司, 口感丰富, 令人好有惊喜。, 左口鱼边嘅烧味同寿司嘅搭配好得意, 每一口都好满足, 仲有啲特色嘅卷物, 包括黑松露三文鱼拖罗蓉卷, 极上龙虾沙律铁火卷, 真系好鲜美又高质。软壳蟹手卷配料同饭比例相宜, 主满满蟹籽配搭沙律酱, 真系好好味。
盐烧珍宝大虾
几欣赏呢道烧大虾, 虾身有食指咁长, 而且真系有海盐味, 真系唔错。叫了烧大虾后, 店员真系好细心, 比定湿纸巾我地, 真系要加分呀!
冻盘小食 /熟食 /天妇罗
皮蛋, 胡麻豆腐, 蟹子沙律, 三文鱼冈山柚子汁沙律, 青酒煮砚, 辣酒煮花螺, 金菇肥牛卷, 烧羊架, 烧菠萝, 汁烧翠玉瓜, 西京烧比目鱼, 烧牛舌, 板烧牛仔骨, 焗帆立贝, 焗广岛蚝, 薯仔牛柳粒, 天妇罗炸虾, 天妇罗秋葵, 天妇罗南瓜, 天妇罗蟹棒, 椒盐鸡软骨, 流心芝士年糕, 榴梿炸弹等, 全部都新鲜热辣。仲有招牌九层塔炒蚬, 蚬肉肥厚, 加入九层塔, 青椒及特制酱汁同炒, 味道香浓, 咸味啱啱好, 非常惹味, 充满泰式风味!
火锅
选了地狱汤底, 唔算好辣, 珍宝海虾, 大大只, 够鲜甜, 肥牛够香够淋, 配埋新鲜娃娃菜, 金菇, 豆腐, 帆立贝, 一人份量都好足够。
甜品 / 雪糕/ 雪条
有好多款比你润一润, 有雪耳糖水, 紫米露, 木糠布甸, 牛奶或咖啡奶冻, 一口泡芙等等。仲有咁好多日韩雪糕, 雪条选择; 仲有我最钟意嘅怀旧雪条 – 橙宝呀!
用餐期间店员对答好有礼, 巡枱收碟换碟好快手, 餐厅员工忙到无停手都有咁既服务态度真系要赞。
张贴
