越發地道河內料理

营业中

休息中

越发地道河内料理地址: 旺角砵兰街99号地舖呢间越南菜我足足排咗一个钟头先可以入到去食，我哋由6:00开始排，要去到7点第二round先入到去，我食完觉得系相当之值得。如果唔想排队就要早啲嚟。招牌牛柳牛丸粉 $99汤粉表面放满越南嘅香草同好多葱，出到嚟热辣辣，大家可以先食咗佢油炸鬼先跟住先再食佢嘅汤河，喺度提一提大家如果唔想食生牛肉嘅话要同店员讲。牛骨汤底相当重牛肉味，一啲都唔油腻。河粉吸收晒汤底同埋越南香草嘅味道。牛柳食落好嫩味道好浓郁。重点系佢个牛丸，我可以讲佢喺香港越南河粉里面最好食嘅牛丸，完全吸收晒牛骨汤嘅鲜甜味。越发牛油鸡翼 $78呢个鸡翼一定要试，鸡翼上面铺满炸蒜，再配合埋本身鸡翼沾上嘅糖浆，两样加埋可以令到蒜头食落唔苦而有甜甜香味。喺度都要提提大家鸡翼要最尾先食，因为佢新鲜上系非常之热。越南热情果冰茶 $29热情果系越南新鲜直送，味道清甜。但系如果女仔减紧肥，杯茶大家可以叫走甜，因为本身偏甜。越南柑桔梳打 $29呢杯嘢饮饮落口非常之清新，梳打气泡饱满。饮呢杯嘢再食牛油鸡翼可以将鸡翼嘅油腻感完全洗走，仲要可以唔使惊有蒜头味口气。 我推荐大家如果唔饮咖啡嘅话可以饮呢杯。