影片
更多
2023-11-26
112 浏览
难得happy Friday老公拍拖外出晚餐, 凉凉地想食鸡煲, 又想食火锅, 又想食刺身; 之前听人推介过系旺角兆万嘅壹火锅, 因为佢性价比高, 环境干净, 食物种类多; 门口见到个招牌大名。除了食鸡煲及火锅外, $199 (星期五,六,日5:00-6:00), 仲可以加$50食埋佢嘅鲍鱼海鲜船, 或者加$50可以任食刺身及加$50可以无限追加靓牛, 真系好多套餐任你配搭, 好吸引呀; 餐厅系用手机落单, 超方便呀! 另外出面仲有自助区, 有好多蔬菜丸类同埋面类; 酱料区都唔简单, 有十几款选择, 而且仲有独门调制酱汁皇后酱同皇帝酱, XO酱都有, 酱料都几有惊喜!首先拣鸡煲口味, 都有几多款选择, 包括原味重庆麻辣鸡煲, 九层塔麻辣鸡, 一品蜂蜜麻辣鸡, 海大虾麻辣鸡, 芝士麻辣鸡, 鸳鸯田鸡麻辣鸡; 我地要咗海大虾麻辣鸡煲, 辣度有3种, BB辣, 中辣, 大辣, 我地初尝BB辣先; 鸡煲上枱要预8分钟等佢热先, 之后店员会帮忙炒一炒啲鸡就可以食得。麻辣嘅浓香味慢慢透出嚟, 有紫洋葱, 蒜头, 芫茜等配料, 鸡都几入味, 唔会好鞋, 虾都新鲜弹牙, 唔错! 海鲜船海鲜船上菜时,
首先拣鸡煲口味, 都有几多款选择, 包括原味重庆麻辣鸡煲, 九层塔麻辣鸡, 一品蜂蜜麻辣鸡, 海大虾麻辣鸡, 芝士麻辣鸡, 鸳鸯田鸡麻辣鸡; 我地要咗海大虾麻辣鸡煲, 辣度有3种, BB辣, 中辣, 大辣, 我地初尝BB辣先; 鸡煲上枱要预8分钟等佢热先, 之后店员会帮忙炒一炒啲鸡就可以食得。麻辣嘅浓香味慢慢透出嚟, 有紫洋葱, 蒜头, 芫茜等配料, 鸡都几入味, 唔会好鞋, 虾都新鲜弹牙, 唔错!
海鲜船
海鲜船上菜时, 真系哗哗声, 因为海虾真系好新鲜, 绝对系有质数, 超高质呀! 鲍鱼, 花甲都好干净, 食落冇沙冇碎壳, 弹牙有口感及新鲜海水味。蚝系超大只, 已经起咗放系蚝谷上, 新鲜冇腥味, 又饱满, 渌完又唔会缩埋细细粒, 真系超满足。生虾, 鱼柳, 贵妃蚌, 带子真系样样都新鲜, 蛏子都好大只, 又新鲜, 用手掌咁长, 好抵食呀! 加$50, 真超值。
牛食家
牛食家拼盘, 包括有极上牛板腱, 安格斯牛小排, 手切封门柳, 严选牛肩胛, 和牛肉眼; 肉质弹滑, 牛味好出色, 边炉必点, 而且无限追加, 认真抵食。我最爱系手切封门柳, 肉质厚实牛肉味道重, 美国牛带有雪花纹理, 食落有油香唔太腻, 封门柳有咬口过瘾。全部都系靓牛, 又系加$50无限追加, 唔食会对唔住自己啦。
刺身
入面都有成10款鱼生, 有三文鱼, 甜虾, 八爪鱼, 墨鱼片, 鲍鱼片, 油甘鱼, 马刀贝, 鲷鱼, 荣螺片, 希灵鱼, 玉子, 蟹棒等等; 款款都冇雪藏味, 都几新鲜, 最爱荣螺片, 带有自然贝类甜鲜味, 正呀!
最后食埋甜品先, 有雪糕杯同埋3款泰式雪条, 仲有朱古力脆皮雪糕批, 我超钟意呢个, 雪糕杯就钟意焦糖饼, 唔错!
张贴
