天園餃子 (華發大廈) (已結業)

🏠天园饺子 系通菜街最近开左间新嘅饺子店，本身净系会去食甜记饺子，而家有新选择啦~ 天园饺子我就食过土瓜湾分店嘅外卖，印象中都唔差😋 🥟蕃茄蛋素汤饺 (5只) $28 我本身都好中意食蕃茄炒蛋，见到有呢只素饺觉得好新奇🤩叫左5只试试，转埋蕃茄汤底想同甜记个汤底对比下😜 唔知系咪因为系素饺，咬落好散，所以影极都影唔到佢个横切面🤣🤣 味道上整体而言都 偏淡，不过天气咁热就系想食下清清地嘅野，都唔错👍🏻蕃茄汤有淡淡嘅姜味，而甜记就系蕃茄鱼汤，所以中意饮边只就睇个人口味啦~ 🥟韮菜猪肉煎饺 (8只) $38 本人系韮菜饺狂，最想就系试晒所有饺子店嘅韮菜饺🤣讲返呢个煎饺，佢煎到非常金黄色，而且好实的的有啲似韩式饺子。佢嘅味道都几合我胃口，因为我钟意食啲韭菜饺系韭菜比肉多， 加上饺子皮煎得好脆，推荐👍🏻👍🏻 🍝净麻辣捞面 $34 上枱见到佢咁深色以为会好重口味，但食落完全唔同，比较淡同埋油，而面嘅份量好大，我谂3个女仔食都饱🤣面质好淋好淋，所以食落有少少一pat野嘅感觉🥹 🐥麻酱鸡丝粉皮 $22 呢个值得一赞嘅地方系佢啲青瓜嘅份量好多，虽然鸡肉嘅份量比较少， 但又麻酱加粉皮同埋青瓜搭救😜 🍋手工柠