i CREMERiA Café (已結業)

前日放lunch嘅时候想庆祝一下，所以就拣咗呢间环境比较高级嘅餐厅食lunch。虽然环境好靓，但见到lunch set嘅价钱都唔算好贵，价钱合理。呢个面嘅份量适中，而且味道唔会特别咸。讲下𠮶两个青口，非常新鲜而且都好大粒，仲有四粒非常新鲜嘅虾添！另外餐厅个lunch set仲可以配餐汤或者沙律再加饮品，都只系130几蚊，咁样嘅环境同食物质素，都算合理。而最后我都加咗$30去食佢哋嘅雪糕，因为上网见到佢哋嘅雪糕都几出名，所以就加钱试。个雪糕嘅质素食落去同铜锣湾𠮶间via tokyo 有得比！