鮨心 (已搬遷) 新店位置

中午黎到旺角本身谂住帮女朋友去旺角中心买几对袜，午餐时间非常肚饿就去医肚，地铁站一出就有间日本餐厅。楼下摆左午餐餐牌。价钱由$98起，都有贵少少既刺身饭。上到去都几舒服。窗口摆左好多款日本酒。午餐餐牌，我最后都选择左海鲜刺身饭。先来沙律、面豉汤、前菜和日本茶碗蒸。沙律用上梅汁。入口酸酸甜甜非常开胃，沙律好多粟米和红腰豆，绝对唔马虎。面豉汤有豆卜，入口咸香不会过咸，蒸蛋滑溜岩我心水。海鲜刺身饭就可以满足我好多个心愿啦，每款刺身都有一片，仲有蟹钳，刺身鲜甜嫩口，新鲜唔会有腥味，钟意带子和牡丹虾，爽口鲜甜，非常新鲜。