沙田頭火鍋 (已結業)

疫情之后都好耐冇试过打边炉，今日行开旺角就去咗打边炉，一坐低就叫咗个芫荽皮蛋同埋沙嗲汤底。打边炉当然要食牛肉啦，佢哋啲牛肉雪花分布真系几好，油脂好均匀。另外仲叫咗龙趸皮同埋黄喉，个龙趸皮真系冇得弹，碌几秒就食得爽滑弹牙，黄喉好亦都好弹牙。打边炉当然唔少得四宝丸，手打牛肉丸、虾丸 、墨鱼丸、鲮鱼丸，好我自己觉得最好味就系手打牛肉丸，真系食得出系自己打嘅。叫左枝啤酒，当然要叫埋猪皮同埋竹笙，竹笙佢处理得几干净，另外鲜炸响铃有紫菜都几特别，碌1秒已经啱啱好。另外仲叫埋五款饺，凤城水饺、鲜虾云吞、韭菜饺、黄金蛋包虾饺，我觉得最有惊喜就系个黄金蛋包虾饺，我出面都未试过食到，食埋个蔬菜拼盘就饱到已经食唔落其他嘢。