影片
更多
2019-03-20
246 浏览
原来根本旺角就有好多高质餐厅，只系喺晒高层平时唔知！今次就嚟到Sky726, 喺弥敦道726嘅25楼，好近地铁B2出口的（天桥过对面马路行两步就到）本身想book 2030，但要去到2130先有位，睇嚟系好旺嘅餐厅。内在环境的确几靓几有格调！灯光昏暗，但有好多灯饰由25楼望落去个景系咁。虽然唔系话有咩靓景，但有落地大玻璃感觉都开扬啲。台上有个小蜡烛～ 格调的重点！drinks menu系用平板的，cocktail价位都系 $80-100/glass个厨房系咁样隔住块玻璃，望到入面的～虽然装修系靓啦，但系摆位实在太逼了。台同台之间嘅距离非常少，原本都好细嘅空间，竟然都可以塞到好多张台，感觉好似用尽每一寸地方去摆台（就连厨房玻璃个转角位都要塞张台⋯） 个种高级嘅气氛即刻降低咗。地方细，人又多，代表啲咩？ 系嘈呀～ 个环境真系几嘈，又窄，可以好清楚咁听到隔离台讲咩，直情有搭台嘅感觉，其实都几尴尬。但都唔紧要嘅，最紧要都系啲嘢食嘛～ 我哋嚟睇下menu价位算系中高，咁就要睇下值唔值呢个价喇～其实$138一个caesar salad系有啲贵，但上台后我又觉得，都系诚意之作而且份量几多。你睇下啲菜
今次就嚟到Sky726, 喺弥敦道726嘅25楼，好近地铁B2出口的（天桥过对面马路行两步就到）
本身想book 2030，但要去到2130先有位，睇嚟系好旺嘅餐厅。
内在环境的确几靓几有格调！灯光昏暗，但有好多灯饰
由25楼望落去个景系咁。虽然唔系话有咩靓景，但有落地大玻璃感觉都开扬啲。
台上有个小蜡烛～ 格调的重点！drinks menu系用平板的，cocktail价位都系 $80-100/glass
个厨房系咁样隔住块玻璃，望到入面的～
虽然装修系靓啦，但系摆位实在太逼了。台同台之间嘅距离非常少，原本都好细嘅空间，竟然都可以塞到好多张台，感觉好似用尽每一寸地方去摆台（就连厨房玻璃个转角位都要塞张台⋯） 个种高级嘅气氛即刻降低咗。
地方细，人又多，代表啲咩？ 系嘈呀～ 个环境真系几嘈，又窄，可以好清楚咁听到隔离台讲咩，直情有搭台嘅感觉，其实都几尴尬。
但都唔紧要嘅，最紧要都系啲嘢食嘛～ 我哋嚟睇下menu
价位算系中高，咁就要睇下值唔值呢个价喇～
凯撒沙律配温泉蛋
$138
33 浏览
0 赞好
0 留言
其实$138一个caesar salad系有啲贵，但上台后我又觉得，都系诚意之作而且份量几多。
你睇下啲菜，大到好似奶油津白咁😂
凯撒沙律配温泉蛋
$138
16 浏览
0 赞好
0 留言
啲菜一咬落去系「索」一声！系好爽脆、鲜甜嘅生菜～ 酱都值得一提，好香浓嘅mayonnaise😇 烟肉亦唔系得少少碎，系原片的。
温泉蛋可怜地瑟缩喺碟边，好唔显眼，但系做得刚好，蛋白嫰滑 蛋黄流心～
有少少美中不足系 啲芝士片唔脆，但系胜在味道够浓。
香煎带子宽条面伴烟红椒汁
$188
37 浏览
0 赞好
0 留言
点知！
一入口我系双眼发光的 个口感啊！ 意粉个口感超出色，带有嚼劲嘅烟韧～～ 有惊艳之感
而且啲面食落，唔知系因为挂埋啲汁定点，系好香的，有啲蛋香
其实一上台，个汁嘅香味系即刻散晒出嚟，垂涎欲滴
咁烟红椒汁究竟系咩味呢？ 系一种有啲三色椒甜味感觉，又有少少似千岛酱咁，一个字，好味！
酱汁中亦混入超级多嘅菇，提升口感，令成个意粉好似好丰富咁。
香煎带子宽条面伴烟红椒汁
$188
37 浏览
0 赞好
0 留言
三大粒肥美带子，煎完都仲咁大粒证明系好嘢嚟
果然，食落系超鲜甜嘅带子甜味，亦唔韧 😍 一啖都咬唔晒嘅大带子真系好满足
可惜系煎嘅火候不足，外层做不到焦脆效果，亦缺乏焦香。外层煎得唔够，亦唔可以有效锁汁，好可惜！
即管系咁，呢个意粉仍然系令我好惊喜，好推荐大家点嘅食物！！
黑松露野菌意大利饭
$188
26 浏览
0 赞好
0 留言
原本预期系creamy𠮶种忌廉野菌汁，原来唔系，系深啡色嘅菇汁。
上台时竟然闻唔到黑松露香，对于一碟有「黑松露」做菜名嘅菜，系一件好出奇嘅事。
先讲饭口感，因为佢喺menu讲到明佢哋系会做出传统al dente偏硬嘅口感，仲叫人想淋啲就要落单时讲声。
食落去，确实系微硬带点嚼劲，勉强都算系al dente的。点解系勉强？因为又未至于真系外熟内生米咁（传统应该中间硬到有啲生米嘅感觉？）
算系比al dente再淋番少少少少
但系呢种口感先系贴近传统，又会合香港人口味嘅口感。
黑松露野菌意大利饭
$188
21 浏览
0 赞好
0 留言
菇嘅份量非常多，直情啖啖菇！
一入口食到嘅，系浓浓嘅牛肝菌香，反而又唔系好觉黑松露香嘅存在。
酱汁有点太稀，令个饭缺少咗浓稠嘅感觉。
不过上台时真系超热，系热到会辣口嘅程度！真系超新鲜整好就上台的。
个饭如果正名为「牛肝菌意大利饭」，成件事会贴题好多，因为牛肝菌味真系好浓好浓，而黑松露嘅存在感真系有啲低⋯。
总结，虽然环境有啲窄同嘈，但系装修几靓，食物亦系诚意之作，当中嘅香煎带子宽条面伴烟红椒汁真心超推介的！
有时去旺角想食好啲都可以考虑呢度！
下次再嚟试下佢啲cocktail得唔得先～
香煎带子宽条面伴烟红椒汁
$188
27 浏览
0 赞好
0 留言
张贴
