蛋仔記雞蛋仔

营业中

休息中

📍旺角 蛋仔记鸡蛋仔喺九月嘅第一日，黄昏时间嚟到豉油街嘅呢一间蛋仔记鸡蛋仔，离远已经见到有好多人排紧队，见到佢无论鸡蛋仔定格仔饼都有好多口味选择，而且除咗港式传统小食之外，仲有饮品都可以喺呢度一次过满足晒。见到佢呢排出咗新口味，例如章鱼烧鸡蛋仔同开心果格仔饼，见到幅图非常之吸引，于是就打算试一试佢嘅开心果格仔饼。等咗大约5至10分钟就已经有得拎，因为系新鲜啱啱整好，所以热辣辣非常香，而且佢嘅馅料十足，有开心果嘅碎，口感好丰富。不过我觉得佢嘅皮如果再脆啲就会更加好，如果再吹多一阵就Perfect🤩。本身已经系麻糬爱好者，见到佢可以拣唔同茶味嘅麻糬鸡蛋仔，今次就试咗伯爵茶口味，出到嚟真系好浓伯爵茶味，而且每一粒都有麻糬，烟烟韧韧感口感好丰富。整体嚟讲佢嘅质素都对得起佢嘅价钱，而且等待嘅时间唔需要好长，行过都真系值得一试。