吉列牛忌廉烏冬專門店 (彌敦道)

营业中

休息中

记得第一次食系韩国，去唔到旅行又挂住韩国既你可以试下依间系香港开了一段时间既韩国过江龙餐厅✨ 餐厅环境寛阔，有唔少座位，窗边既卡位空间较寛阔舒适，仲可以望到街景。主打吉列牛及咖喱忌廉乌冬，仲提供多款日韩主食、小食及饮品～✨Set 2✧ 吉列牛定食 +咖喱忌廉乌冬或香辣忌廉鸡肉炒面+汽水x2 ✧❀ 吉列牛定食 🐮招牌菜式✨吉列牛份量都算多，上枱时见到吉列牛好粉嫩，可以自行系石烧炉烧，控制生熟度。吉列牛炸皮薄，外脆内嫩，蘸上旁边既豉油、芥末或者wasabi沙律酱食更惹味。定食仲包埋冻胡麻豆腐、车厘茄、汤及饭，饭上面仲加了饭素呢～❀ 咖喱忌廉乌冬 🍜依款乌冬可拣鸡肉或牛肉，今次叫左鸡肉。咖喱微辣，唔太食到辣既都可以食到～乌冬食落都几弹牙，加埋忌廉令乌冬更creamy，口感好滑溜。虽然整碗有满满既忌廉，但食落又唔会太腻。乌冬入面除左鸡肉，仲有洋葱及菇，口感丰富❀ 紫薯latte 🍠 (跟餐+$25)紫薯味好香，会食到少少紫薯蓉，质地唔会太稠身，甜度适中❀ Citrus Ocean🍹 (跟餐+$18)渐变蓝色卖相好吸睛😍 依杯系柚子味梳打，柚子味香浓，杯底仲有柚子肉，加了少少薄荷令味道更清新❀