影片
更多
2025-01-23
0 浏览
喺旺角想食韩国嘢，就一定会谂起Outdark，今次系第二次食，整体感觉几好，无论食物质素、环境定价钱都令人满意，特别啱一班朋友聚会或者想试下地道韩国菜嘅人～😚🐓韩式辛辣炸鸡炸鸡系必试之选～ 炸鸡件外层炸得香脆但唔会太硬，内里仲保持住嫩滑嘅肉质，食落完全唔会干柴。甜辣酱汁唔会太厚重，不过menu上面都写咗有三条辣椒，唔太食得辣嘅人要小心🤣 炸鸡仲配埋薯条同薯角，啲薯条炸得外脆内软，而薯角就带少少粉糯感，整体嚟讲成个配搭好丰富又满足🐖韩式猪脚猪脚嘅胶质啱啱好，带少少烟韧但唔会太腻，肉质又软腍，几容易入口😝 调味用咗酱油、蒜头、肉桂、洋葱同埋姜嚟卤，味道唔会过咸，但又好香浓，有啲似韩式家庭料理𠮶种舒服感，几特别，配料方面有啲蒜片、椰菜同生菜，包住猪脚嚟食又系另一种口味😚🍶柚子米酒米酒带有淡淡嘅米香同柚子清甜味😍，饮落几顺口，酒味唔算浓烈，适合唔太爱饮酒嘅人😇🍹热情果梳打梳打气泡感够强，加上浓郁嘅热情果香味，几适合配搭炸鸡或者解腻，系清新嘅选择😊餐厅嘅环境偏向casual，啱晒同朋友边食边倾。服务员态度友善，落单速度几快，唔需要等太耐。价钱方面以旺角嚟讲都算合理，几适合想试韩国菜或者韩式饮品嘅
🐓韩式辛辣炸鸡
炸鸡系必试之选～ 炸鸡件外层炸得香脆但唔会太硬，内里仲保持住嫩滑嘅肉质，食落完全唔会干柴。甜辣酱汁唔会太厚重，不过menu上面都写咗有三条辣椒，唔太食得辣嘅人要小心🤣 炸鸡仲配埋薯条同薯角，啲薯条炸得外脆内软，而薯角就带少少粉糯感，整体嚟讲成个配搭好丰富又满足
🐖韩式猪脚
猪脚嘅胶质啱啱好，带少少烟韧但唔会太腻，肉质又软腍，几容易入口😝 调味用咗酱油、蒜头、肉桂、洋葱同埋姜嚟卤，味道唔会过咸，但又好香浓，有啲似韩式家庭料理𠮶种舒服感，几特别，配料方面有啲蒜片、椰菜同生菜，包住猪脚嚟食又系另一种口味😚
🍶柚子米酒
米酒带有淡淡嘅米香同柚子清甜味😍，饮落几顺口，酒味唔算浓烈，适合唔太爱饮酒嘅人😇
🍹热情果梳打
梳打气泡感够强，加上浓郁嘅热情果香味，几适合配搭炸鸡或者解腻，系清新嘅选择😊
餐厅嘅环境偏向casual，啱晒同朋友边食边倾。服务员态度友善，落单速度几快，唔需要等太耐。价钱方面以旺角嚟讲都算合理，几适合想试韩国菜或者韩式饮品嘅朋友。见餐厅门口仲贴住嚟紧有同鱿鱼游戏相关活动🤣 下次有机会嚟睇吓咩嚟同试埋佢哋其他嘅烧肉或者锅物，几期待！
张贴
