韓川

营业中

休息中

通常韩式都系炸鸡，饭卷，石锅饭。今次想食特别啲，叫左韩式海鲜餐。份量惊人，真心二人系食唔晒，起码三人，细食嘅女仔四个都可能得🤫。🍽️韩川二人海鲜餐 $668🔸精选时令生蚝6只🦪唔系好大只，但鲜甜，有少少海水味，肉质偏爽，不错。🔸盐烧虎虾2只🦐肉质弹牙，虾壳咸香，标准虎虾size。🔸韩川菜肉五花腩🐷三大条腩肉系炉面暖住食确实需要，因为腩肉冻左会硬。由于份量惊人，二人真系食唔晒。如果有泡菜会好啲，解到腻；或者生菜多啲都有帮助。🔸韩式炸饺拼盘🥟望落一般，食落唔错，鸡皮饺特别。🔸芝士熔岩炸鸡+$30🍗芝士迷又点会错过，同样问题，份量太多🤣。真系熔岩芝士，较流质，非拉丝。鸡锤唔辣有肉汁，单骨鸡翼较辣，脆。🔸温泉蛋带子芝士汤乌冬🍜大大只带子，上有拉丝芝士，煮得刚好唔硬。芝士汤，温泉蛋，乌冬呢个组合好夹，连汤饮埋。📝扫code落单，加一收费。💬题外话：平日晚7点左右full house，如果唔想等位，最好订位。呢度地点方便，确系饭聚好地方。