金甲韓國料理 (已結業)

今日有亲戚黎到，一场黎到香港，梗系要带佢去旺角食好野! 咁今日系星期六啦，d位都难book d，所以就提早book左8点半，我地都准时去到。一去到果然满哂座，好彩有book定！环境方面，呢到真系抵赞！因为我亲戚抱住个bb，咁都惊话有无位俾佢坐，但去到 我地5个人，加埋bb 6个 ，俾左张台我地 坐得几舒服 唔系一张张凳个d 系沙发个款 所以系几好！之后我地就行过去睇下有咩食，呢间系韩国料理，但系就有埋日式三文鱼同馒鱼寿司，简直系超正，虽然三文鱼无日式个d台咁好食，但系佢肥瘦都均匀，厚度一般，同我地出面食既都差唔多，好在系食韩国料理都有寿司食haha^^肉类有好多款，呢间呢个价钱食到咁多野好爽，仲要任食，我地唔知边样好味，所以就每样睇得顺眼都夹少少。食左一轮之后，我地发现左笋野，就系极上牛肋骨！！认真好食！佢d汁好夹好入味，将块肉烧完之后，食落口个下软腍腍，口感一流！食左好多块啊！其实呢到都几多肉类，牛肉，猪肉，牛舌鸡肾啊⋯⋯唔太中意食肉既女朋友食到好厌>< 所以就系到伪韩国feel，用生菜包住d肉黎食，认真过引。