影片
更多
2018-06-15
159 浏览
无住家饭食嘅我今日又去揾好嘢食。之前介绍过黑布街附近有咩好嘢食，今日就讲下旺角另一条平民化的食街，就系先达隔离嘅通菜街。今日口啖啖，想食啲香辣嘢，所以约左朋友去呢间阿来。呢间阿来好多人帮衬，我六点入去就唔使等，但坐咗一阵就已经全场full house。因为大太肚饿，所以叫左六样嘢食。首先饮番个泰式鲜虾冬荫功汤开开胃。叫一个细嘅就两个人啱啱好，个汤好好饮，香辣酸味够，亦都好平衡，香料好足，虾头索晒啲汤，识食虾头嘅人就会觉得好食。饮完个汤就到炸虾饼。虾饼好香口，够弹牙，食落虾味都够。因为惊食唔晒，所以海南鸡叫咗例牌，两个人就啱啱好。鸡肉够滑够嫰，鸡皮唔会太肥，可以接受。跟住食下主菜泰皇咖喱炒大蚬，呢个我朋友叫，我本身麻麻地甲壳类，不过啲汁就好好味，用嚟捞饭或者蒜蓉饱就very good喇。呢个辣椒膏虾头油海鲜炒饭 ，食落有辣椒膏嘅香味，可以再辣啲都得，不过今次最主要都系用左嚟捞汁食。最后就系食菜啦。好少见食店炒通菜会加猪颈肉，所以叫嚟试试。不过其实就咁炒菜都够喇，因为菜都炒得好香，唔使猪颈肉都得，人到中年，都系唔好食太多肉好～虽然眼阔肚窄叫多咗，不过我地无浪费咖，全部食晒。食咁多嘢，埋单都
首先饮番个泰式鲜虾冬荫功汤开开胃。叫一个细嘅就两个人啱啱好，个汤好好饮，香辣酸味够，亦都好平衡，香料好足，虾头索晒啲汤，识食虾头嘅人就会觉得好食。
饮完个汤就到炸虾饼。虾饼好香口，够弹牙，食落虾味都够。
因为惊食唔晒，所以海南鸡叫咗例牌，两个人就啱啱好。鸡肉够滑够嫰，鸡皮唔会太肥，可以接受。
跟住食下主菜泰皇咖喱炒大蚬，呢个我朋友叫，我本身麻麻地甲壳类，不过啲汁就好好味，用嚟捞饭或者蒜蓉饱就very good喇。
呢个辣椒膏虾头油海鲜炒饭 ，食落有辣椒膏嘅香味，可以再辣啲都得，不过今次最主要都系用左嚟捞汁食。
最后就系食菜啦。好少见食店炒通菜会加猪颈肉，所以叫嚟试试。不过其实就咁炒菜都够喇，因为菜都炒得好香，唔使猪颈肉都得，人到中年，都系唔好食太多肉好～
虽然眼阔肚窄叫多咗，不过我地无浪费咖，全部食晒。食咁多嘢，埋单都只系四百八十几蚊，唔使加一服务费，抵食！
张贴
