影片
更多
2023-02-22
60 浏览
呢度有旺角食堂之称嘅小草十八怪，佢哋有好多不同种类嘅嘢食，有烤鱼、串烧、石锅饭、米线、荷叶饭等等，而且价钱相宜，所以食饭嘅时间系劲多人排队，呢次好彩早咗少少嚟先唔洗排队。椒麻虾胶腐皮脆卷：即叫即炸，外皮用香脆嘅腐皮包住弹牙鲜甜嘅虾胶，做到外脆内弹嘅口感，味道鲜甜，蘸埋秘制嘅椒麻酱汁就更加惹味。瑶柱蒜蓉海鲜荷叶饭：用荷叶包住用瑶柱、冬菇、虾米所做嘅饭底，配埋多款海鲜同蒜蓉一齐蒸，令饭同海鲜都有阵阵荷叶吓清香，而饭身仲有海鲜嘅精华，同埋有蒜蓉嘅香味，令呢个饭嘅味道十分之丰富。石锅米线套餐：呢度可以拣3𩠌、6𩠌同埋9𩠌三款，呢次拣咗个3𩠌，有封门牛肉、嫩滑鸡肉、墨鱼头，而汤底拣咗人气嘅沙嗲汤底。而因为3𩠌只可以店内烹煮，其余两个可以拣自己DIY。味道方面汤头唔讲得笑，佢喺以招牌金汤作底，再加上马来沙嗲糕、香茅、花生、椰子汁、新鲜辣椒等材料所熬制而成，味道浓郁，香辣惹味，用嚟配米线简直就一流。呢度仲有多款嘅串烧，呢次叫咗豆卜、鸡肉、沙嗲牛肉、鸡中翼、金菇、牛油粟米。 佢哋嘅火候控制得宜，唔会烧得太干身，仍然保留肉汁，而味道好有四川嘅风味，我自己最钟意豆卜同金菇，两者都索哂嘅酱汁同调味，食落会更
呢度有旺角食堂之称嘅小草十八怪，佢哋有好多不同种类嘅嘢食，有烤鱼、串烧、石锅饭、米线、荷叶饭等等，而且价钱相宜，所以食饭嘅时间系劲多人排队，呢次好彩早咗少少嚟先唔洗排队。
椒麻虾胶腐皮脆卷：即叫即炸，外皮用香脆嘅腐皮包住弹牙鲜甜嘅虾胶，做到外脆内弹嘅口感，味道鲜甜，蘸埋秘制嘅椒麻酱汁就更加惹味。
瑶柱蒜蓉海鲜荷叶饭：用荷叶包住用瑶柱、冬菇、虾米所做嘅饭底，配埋多款海鲜同蒜蓉一齐蒸，令饭同海鲜都有阵阵荷叶吓清香，而饭身仲有海鲜嘅精华，同埋有蒜蓉嘅香味，令呢个饭嘅味道十分之丰富。
石锅米线套餐：呢度可以拣3𩠌、6𩠌同埋9𩠌三款，呢次拣咗个3𩠌，有封门牛肉、嫩滑鸡肉、墨鱼头，而汤底拣咗人气嘅沙嗲汤底。而因为3𩠌只可以店内烹煮，其余两个可以拣自己DIY。味道方面汤头唔讲得笑，佢喺以招牌金汤作底，再加上马来沙嗲糕、香茅、花生、椰子汁、新鲜辣椒等材料所熬制而成，味道浓郁，香辣惹味，用嚟配米线简直就一流。
呢度仲有多款嘅串烧，呢次叫咗豆卜、鸡肉、沙嗲牛肉、鸡中翼、金菇、牛油粟米。 佢哋嘅火候控制得宜，唔会烧得太干身，仍然保留肉汁，而味道好有四川嘅风味，我自己最钟意豆卜同金菇，两者都索哂嘅酱汁同调味，食落会更惹味更香口。
张贴
