Nardo's Cafe (已結業)

今晚第一次嚟呢度，但相信以后绝对会继续再嚟。因为呢度食物高质，环境舒服。👍👍👍今次识嚟，因为朋友带路，佢系熟客仔，亦都真系无介绍错。喺朋友介绍下，叫左个派对套餐A1(每位$168，4位起)，包小食、一款头盘、两款主食、饮品，份量按人数计。🥗凯撒沙律蔬菜新鲜爽脆，无渣；沙律酱十分出色，系正宗凯撒沙律酱，浓郁而带有独特嘅咸香及开胃嘅酸味。🥟日式饺子面层洒满木鱼碎上枱时见到不停摆动嘅木鱼碎，更添气氛。而味道亦不俗，有肉汁。🍗🥠🧅小食并盘呢个好好食😋全盘小食炸得金黄，但全无油腻感觉。小食包括蜜糖鸡翼、咖喱角、春卷、麦乐鸡、洋葱圈。除左麦乐鸡普通d，其他各样都非常好，够香脆；春卷、咖哩角皮薄，馅料香。🍛鲜茄茸鸭胸烩意大利饭茄茸很足料，啖啖蕃茄香；鸭胸切得细细件，吃得方便之余，伴饭食味更浓，更混有烟肉、蘑菇，令味道变得多元。唯一美中不足系未做到意大利饭独有果种硬度，少了咬口。🥘香草忌廉杂菌烟肉长通粉忌廉汁非常香浓，有芝士香，长通粉软硬适中。亦要赞餐厅选用长通粉，因为长通粉嘅坑纹能沾上更多汁料，令每啖入口都食到非常creamy、浓郁嘅忌廉汁。🏺最后系饮品，系jar上，而且无限添饮，食完香炸小食或食完