多毛

营业中

休息中

最近放工经过旺角有间隐世猫猫cafe，网上好高人气，装修又靓，特登叫埋好闺蜜一齐去试吓👯‍♀️入到去见到好多猫猫，闺蜜已经好钟意💛先嚟个蜜糖芥茉酱芝士烟肉牛角包🍯🥐，牛角包酥脆金黄，内夹浓郁芝士和香烟肉片，口感丰富。而蜜糖芥茉酱甜中带些少微辣，闺蜜表示好喜欢，十分开胃同惹味💙跟住食返个Oreo曲奇雪糕窝夫🧇，好有心思，窝夫松软香甜，搭配住浓郁嘅Oreo曲奇雪糕，口感绵密滑顺。曲奇饼干香脆同雪糕嘅冰凉交融，带来绝佳口感体验。每一啖都散发住浓郁嘅巧克力同香草味道，令人食到停唔到口❤️再食埋脆炸鱼柳手指薯条🍟分量刚刚好，好欣赏佢嘅炸鱼薯条炸到金黄酥脆，非常适合边食边同闺蜜倾偈，一大享受💚好有心思设计又靓既餐厅，加上猫猫又好痴人，建议各位如果要食尽早book位，因为真系好多人🔥