貓抓烤肉

营业中

休息中

网上见过好多人介绍，bookmark左好耐，今日同朋友嚟开旺角，终于有机会嚟试啦，果然又抵食又高质，之后去开旺角一定会再嚟！一入到去就见到大大个自助bar，有唔同嘅酱汁、配菜任君选择，而我就最钟意个蒜蓉汁同埋烧烤酱，钟意食重口味嘅朋友一定唔可以错过。我哋嗌左个牛肉拼盘、双拼套餐同埋西冷牛套餐，每样都各有惊喜。先讲下个牛肉拼盘，一嚟到就俾个份量吓亲，有牛嘅不同部位，而且摆盘都非常华丽。鲜红色嘅牛肉睇得出系非常新鲜，唔系雪藏万年嘅急冻肉，肉嘅油脂分布都非常平均，唔会话好油腻。我哋都急不及待即刻烧嚟试吓，牛肉放落烧烤炉烧唔使10秒，就即刻闻到阵阵香味迎面而来，流晒口水。🤤牛味非常之重同埋香，肉质都好嫩滑，油同肉嘅比例都啱啱好，入口即溶，令到我停唔到系咁烧、系咁食。再讲讲西冷和牛，都系我最期待嘅一款，果然冇令我失望。一望佢就见到一大片嘅雪花和牛非常之吸引。咬落去啲肉汁就喺个口腔里面好似涌泉源源不绝咁喷出嚟，令我怀疑到底系饮紧汤，到而家我仍然回味紧𠮶阵香味。下次唔会等到嚟旺角先至食，一定会为咗佢而再嚟旺角 。