Bellevue Bar and Grill (已結業)

女朋友不嬲都想食呢间餐厅，因为呢度牛扒几出名下，咁啱我哋嘅周年纪念日，所以我一早已经预约定呢间餐厅，谂住畀个惊喜佢。一上到餐厅，个夜景真系好靓，餐厅嘅高度真系几高，基本上成个旺角都可以睇晒，甚至乎远少少可以望到尖沙咀嘅风景，而且餐厅嘅装修主要系红色，望住餐厅嘅装修都几浪漫。❤️❤️由于我哋不嬲想叫牛扒，所以我哋叫咗呢度嘅安格斯牛柳，另外我哋仲叫咗个羊扒，两个都叫咗五成熟。🐮🐮🐐🐐首先由牛扒方面，熟度啱啱好真系五成，唔会过熟，食落肉质鲜嫩，而且仲有肉汁，另外侍应都有配上芥末酱，牛肉配上芥末酱可以解油腻感，值得推介👍除此之外羊扒嘅表现都唔错，羊肉有羊骚味但系唔会太重，而且羊肉呈现粉红色，咬落去好容易咬开，旁边仲有一啲嘅配菜，预防食得太多肉嘅时间会太肥腻。另外我哋仲叫咗一个鲜蚝浓汤，虽然喺汤表面睇唔到有蚝，但系饮落有好重嘅蚝味，应该系煲完之后打碎咗，好creamy。👍👍