影片
更多
2022-11-16
98 浏览
喺旺角金钻壐有间经已6年嘅日本餐厅鮨心·旬节。佢哋为庆祝6周年出咗23品omakase，依家仲有2人同行1人半价，不过佢哋只系星期日至星期四供应。烧鳕鱼干啱啱烧起，热辣辣脆卜卜，调味得宜带点点嘅辣味，越食越惹味。前菜有三款分别系矶煮八爪鱼、𩽾康鱼干同埋海月（即系水母）八爪鱼煮得够腍身入味，𩽾康鱼依家当造够哂肥美，水母经过调味，带微酸口感爽脆，令人食完更开胃。刺身白子：口感Creamy，鲜味十足。石垣鲷：系䲞鱼科嘅一员，喺白身鱼之中较为肥美，只需蘸酱油芥末就能突出鱼嘅鲜味。鲛鲽鱼：嚟自北海道嘅鲛鲽鱼嘅鱼边，喺上面仲有鲛鲽鱼嘅鱼肝都系配以酱油芥末就可以食到鱼肉本身嘅鲜味。令和怪物 大船渡湾最近大热嘅蚝，经常喺日本餐厅都会见到，佢嘅特色系佢嘅size超大，蚝肉够哂饱满，海水味重，而喺蚝面加上师傅自家制嘅青柠啫喱，食落更加清新清爽。烟熏䲠鱼樱花木嚟自三重县嘅䲠鱼用禾秆草烧制，再以樱花木作烟熏，师傅一开盖就经已闻到有阵阵樱花木嘅香味。而鱼肉亦带有禾秆草独特嘅气味，而鱼肉口感较弹牙，喺上面仲加埋师傅特制嘅洋葱汁，食落更惹味。料理纸包金鲷用纸包嘅方法处理，喺纸入面除咗有金鲷鱼肉之外，仲加入百里
烧鳕鱼干
啱啱烧起，热辣辣脆卜卜，调味得宜带点点嘅辣味，越食越惹味。
前菜有三款分别系矶煮八爪鱼、𩽾康鱼干同埋海月（即系水母）
八爪鱼煮得够腍身入味，𩽾康鱼依家当造够哂肥美，水母经过调味，带微酸口感爽脆，令人食完更开胃。
刺身
白子：口感Creamy，鲜味十足。
石垣鲷：系䲞鱼科嘅一员，喺白身鱼之中较为肥美，只需蘸酱油芥末就能突出鱼嘅鲜味。
鲛鲽鱼：嚟自北海道嘅鲛鲽鱼嘅鱼边，喺上面仲有鲛鲽鱼嘅鱼肝都系配以酱油芥末就可以食到鱼肉本身嘅鲜味。
令和怪物 大船渡湾
最近大热嘅蚝，经常喺日本餐厅都会见到，佢嘅特色系佢嘅size超大，蚝肉够哂饱满，海水味重，而喺蚝面加上师傅自家制嘅青柠啫喱，食落更加清新清爽。
烟熏䲠鱼樱花木
嚟自三重县嘅䲠鱼用禾秆草烧制，再以樱花木作烟熏，师傅一开盖就经已闻到有阵阵樱花木嘅香味。而鱼肉亦带有禾秆草独特嘅气味，而鱼肉口感较弹牙，喺上面仲加埋师傅特制嘅洋葱汁，食落更惹味。
料理
纸包金鲷
用纸包嘅方法处理，喺纸入面除咗有金鲷鱼肉之外，仲加入百里香去除鱼肉嘅腥味，一打开𠮶下就闻到好浓嘅百里香香味，鱼肉有满满嘅肉汁，肉质嫩滑。
去到食寿司之前，师傅会问下食啱食姜，我哋唔食姜师傅就比咗佢自家腌嘅萝卜。
寿司
石垣贝
鹿儿岛梭子鱼
富山湾白虾
青森县深海池鱼
秋刀鱼
中拖罗
大拖罗
东京湾鲭鱼
北海道赤海胆
每一款都有自己出色之处，白虾同埋鲭鱼系我最有印象，白虾用木纹昆布做咗个昆布渍配埋自家制嘅虾油酱油，令虾味更加浓郁。而鲭鱼师傅会将烧红嘅备长炭放喺鱼肉表面，令鱼皮都带有备长炭嘅香味。
卷物
呢款手卷口感劲丰富，用香脆嘅紫菜包住赤身、拖罗蓉、天妇罗碎，而喺最顶端加入满满咸鲜嘅三文鱼籽，鲜味十足。
蒸蛋
茶碗蒸嘅蛋蒸得好滑，入面有年糕都系第一次见，食落好特别。
鱼汤：鱼汤鲜甜无比，有奶白嘅汤色，而入面仲有件豆味浓郁嘅豆腐。
甜品
赤肉蜜瓜
黑糖蕨饼
最中饼配有朱古力雪糕
呢三款都系甜度适中，又够清新清爽，可以为呢餐丰富嘅omakase 划上一个完美嘅句号。
张贴
