越興園越南菜館 (已搬遷) 新店位置

越兴园我成日听，知道佢超黄又抵食，但系都系第一次帮衬，点左碗招牌生牛肉汤粉，我转左金边粉，$38都算几抵，点知返到屋企打开见到劲大碗，份量系平时出面食嘅1.5倍！唔单止金边粉多，佢连啲生牛肉都好多好大块！😱因为外卖嘅关系𠮶啲生牛肉可能焗左一焗有啲熟，不过都熟唔晒，大概九成熟啦，但啲牛肉依然好靓呈粉红色好嫩，而且好薄好易咬而且个汤头都好鲜甜，加埋啲配料生洋，葱粒，辣椒粒再加2滴青柠，少少酸酸甜甜又好清新，好地道！一碗咁高质嘅越南生牛肉汤粉先至卖$38，真系大件夹抵食，我悔恨佢咁近我家，我先第一次帮衬佢，以后会多啲去食，真心正！