村上居酒屋 (已結業)

今日阿仔又要去朗豪坊度睇巴士， 睇巴士之前我哋喺附近揾下有咩食， 行到砵兰街附近， 见到有间居酒屋， 有做午市定食， 睇个餐牌觉得ok所以入去试下， 见餐厅其实有一个五人同行一人免费嘅优惠， 但系我哋当日得四个人所以享用唔到， 餐厅内装修都几有日本风， 座位主要以卡位和半卡位为主。烧牛肉拉面定食呢度嘅定食配菜都几多， 有沙律，鱼生， 卷物， 仲有雪糕糯米糍， 几抵食， 味道方面沙律菜够爽口配日式芝麻酱， 三文鱼刺身够鲜味， 烧牛肉烧得够香口， 唔靭， 个烧汁味道唔错 ，唔会过甜。银鳕鱼西京烧定食银鳕鱼烧得好有焦香味， 肉质几嫩滑， 点少少蛋黄酱配饭一流。寿司刺身定食呢个定食配咗沙律，拉面 ，面豉汤， 拉面和面豉汤都正常味道， 寿司有三文鱼， 油甘鱼，立鱼， 带子， 刺身有油甘鱼和三文鱼， 虽然系寿司定食但系就鱼生料都唔马虎， 切得几厚， 几新鲜。总括呢度嘅午餐定食都几抵食， 几啱附近嘅打工仔一班同事落嚟食饭。