第八站咖啡廳 (已搬遷) 新店位置

同朋友喺旺角行住街之后，经过金鸡广场见到有水牌推介食扒的咖啡厅，见到啲相都非常吸引，同朋友就谂住入去试一试。入到餐厅见到佢嘅装饰都好唯美，非常有气氛！今次我哋就叫咗一个黑毛猪扒和带子惹菌饭！黑毛猪柳扒都好大块，另外仲配有薯仔和沙律菜，套餐仲有包一个汤同埋餐包，整体嘅套餐都非常抵食和丰富！黑毛猪柳扒嘅质素都好高，咬落去嘅猪柳扒非常弹牙，肉质亦都好嫩滑！带子野菌饭嘅份量都好多，佢嘅饭嘅感觉有啲似意大利饭，非常入味，而且饭嘅质地煮到刚刚好！带子亦都非常肥美😚佢哋𠮶日嘅餐汤系忌廉汤，非常creamy！餐包加埋汤一齐食亦都非常之夹！