大山日本料理

营业中

休息中

平时喺旺角揾食最大苦恼就系要揾一间方便，又要坐得舒服既餐厅（当然好食都重要）。今次见Openrice 话菜街个边有间叫大山日本料理唔错又舒服，紧系要试下啦！🔸角切鱼生饭：份量好足！有齐各款鱼生包括三文鱼、吞拿鱼、蟹柳、鲷鱼及蟹籽，仲有玉子。刺身都好鲜甜，吞拿鱼唔会有筋，玉子甜甜地，非常好食😋🔸牛肉寿喜烧配珍珠米：寿喜烧汤底几浓，但又唔会好咸，配埋牛肉捞饭，一流！牛肉肉质几嫩，牛味都重。🔸矶烧鲍鱼及蟹籽鱿鱼刺身：鲍鱼大大只又新鲜！店家亦都好细心，预先将鲍鱼切开一半，方便大家食。至于，鱿鱼一样新鲜，又爽口，好岩炎炎夏日食！最后值得一赞系店铺装潢风格好有日本feel，店员又好nice，值得大家一试！