御石燒 (已結業)

复活节连放几日假紧系出去揾下好野食啦 见好耐无食过吉列牛今次就嚟试下呢一间 地点系地铁站附近嘅广华街 都几就脚呢度除咗有石烧系列之外 仲有野菜锅 小食等等 如果系第一次食石烧都唔洗惊唔识操作 枱面会有指示教客人正确嘅烧肉次序 职员亦都好好 会时刻留意住有无客人嘅火唔著 一旦无火就会即刻帮你加火御烧极级牛小排牛小排嘅份量十足 足足有成14块! 而且雪花纹理好靓 食落鲜嫩多汁 就算唔小心烧耐咗肉质都唔会靭御烧极上级黑松露吉列牛一上枱已经见到牛肉好厚身 都有成10块咁多 烧完之后黑松露同牛肉嘅香味都出哂嚟 而且食落外脆内软 呢款嘅口感会比牛小排丰富另外晚市仲可以加配$35有埋紫菜味素饭 流心蛋 同面豉汤 仲可以另外再加野饮 将沾满酱汁嘅牛肉再连埋大量嘅饭素同紫菜用嚟捞饭真系一流阿!