影片
更多
2021-10-22
24 浏览
估唔到女人街有间性价比咁高嘅餐厅，唔系朋友介绍真系唔知，因为之前成日中伏我就好少再喺女人街食饭......首先嚟嘅喺热柠蜜，呢杯热柠蜜值得为佢影张相，因为好好饮！🙈 佢个甜味同柠檬比例啱啱好，好似当年幽默大师咁讲，「饮落喉咙好舒服」😎 热辣辣嘅蒜蓉包同餐汤都系中上水准，食到呢度我就觉得呢间系有心机嘅餐厅。美国安格斯牛小排有惊喜！之前喺某西餐食过一碟三百几蚊但好普通嘅牛扒，呢度只系一半价钱但好味啲！牛小排煎到5成熟，切开粉嫩又juicy，烧汁夹得嚟唔会抢咗牛香味，旁边嘅茄子、翠玉瓜、鸡髀菇同加咗柚子醋嘅沙律都几好食。当然如果牛扒煎得再香啲就好啦，但呢个价钱我已经满意喇，唔可以用高级餐厅嚟比～西班牙风干火腿薄饼芝士拉丝，一拎上手系热到辣手嫁，一共六块，最啱成班fd嗌嚟share。虽然唔系我钟意嘅厚批，但佢薄得嚟都有啲嚼劲，大量芝士落得唔手软，唯独系佢拣嘅Parma Ham咸咗少少。下次嚟我会试吓意粉，见到隔离枱好似好好食😋伯爵茶奶冻．焦糖脆脆．雪糕餐厅招牌甜品，其实几特别，可惜奶冻质地同云呢嗱雪糕就唔系我钟意嘅味，我最欣赏反而系粒焦糖脆脆。呢度优点系食物大部分都好食，性价比高，但缺点系上菜
估唔到女人街有间性价比咁高嘅餐厅，唔系朋友介绍真系唔知，因为之前成日中伏我就好少再喺女人街食饭......
首先嚟嘅喺热柠蜜，呢杯热柠蜜值得为佢影张相，因为好好饮！🙈 佢个甜味同柠檬比例啱啱好，好似当年幽默大师咁讲，「饮落喉咙好舒服」😎 热辣辣嘅蒜蓉包同餐汤都系中上水准，食到呢度我就觉得呢间系有心机嘅餐厅。
美国安格斯牛小排
有惊喜！之前喺某西餐食过一碟三百几蚊但好普通嘅牛扒，呢度只系一半价钱但好味啲！牛小排煎到5成熟，切开粉嫩又juicy，烧汁夹得嚟唔会抢咗牛香味，旁边嘅茄子、翠玉瓜、鸡髀菇同加咗柚子醋嘅沙律都几好食。当然如果牛扒煎得再香啲就好啦，但呢个价钱我已经满意喇，唔可以用高级餐厅嚟比～
西班牙风干火腿薄饼
芝士拉丝，一拎上手系热到辣手嫁，一共六块，最啱成班fd嗌嚟share。虽然唔系我钟意嘅厚批，但佢薄得嚟都有啲嚼劲，大量芝士落得唔手软，唯独系佢拣嘅Parma Ham咸咗少少。下次嚟我会试吓意粉，见到隔离枱好似好好食😋
伯爵茶奶冻．焦糖脆脆．雪糕
餐厅招牌甜品，其实几特别，可惜奶冻质地同云呢嗱雪糕就唔系我钟意嘅味，我最欣赏反而系粒焦糖脆脆。
呢度优点系食物大部分都好食，性价比高，但缺点系上菜偏慢，相信系因为餐厅满晒座。我去𠮶日系个周五晚，非常之多人，我喺门口等咗好耐先有位，下次再去我一定会醒目book定位先，而且拣返平日。💨
张贴
