旺角88

营业中

休息中

成日以为朗豪坊后面都只系五金铺，点知后面都有一间好食嘅车仔面。我叫咗一个三𩠌河粉，分别有猪扒生菜虾饼，加埋都只系$38。猪扒炸得好好又香口，虾饼大大份又好食。汤底有咖喱味，沙嗲味和猪骨汤味。我就叫咗猪骨汤，汤底唔会好浓亦唔会好咸，但都有阵阵猪骨味。饮完唔会好口渴，几啱做汤底。除此之外，我都叫咗一个烧茄子（$28）。由于系即整，串烧热辣辣加埋好香口嘅炸蒜，成条串烧都非常惹味。不过餐厅夜晚七点先会开工，所以大家嚟食𠮶阵要留意。