Go Dutch Cafe

营业中

休息中

FD话带我去一间好有诚意啲board game楼上cafe，咁试试啦。 哩间咖啡装修得几得意，门口一入来，就看到一串吊灯好似米奇头咁，好得意㖞。晚市都几多嘢食可以拣，有晚市一人套餐，都有2人套餐，2人套餐398已经包埋2杯嘢饮，2个主菜，1个小食同埋2个甜品，真系抵食。不过, FD话哩间cafe份量都几大，咁我们试下一人套餐加埋两个小食已经好足够。冻柠茶同冻卡布奇诺，估唔到嘢饮咁大一杯，卡布奇诺系冇落糖，冻柠茶落咗少少糖，啱晒我同FD哩啲要减肥唔可以饮甜嘢啲女仔。特浓龙虾汁海鲜意粉，配料好丰富，有虾，青口同蚬仔。海鲜好新鲜，食落好Q弹同埋好鲜甜。龙虾汁好creamy，每一啖意粉都嗦晒龙虾汁，好好味。台式盐酥鸡，即叫即整，送上来仲热笠笠。盐酥鸡粒炸得好香口，点埋D蛋黄酱，好食到停唔落口。杂锦串烧系新menu，一份有3串，可以食晒猪牛鸡三款串烧。FD系熟客，老细好热心送多一串比我们试下。串烧烧得啱啱好，食落好juice，搭配咗辣椒粉一齐食，真系好味到想叫多一份。哩间楼上café质素真系唔错，仲可以玩board game，可以再encore！