影片
更多
2021-11-01
186 浏览
数数手指都有成四个月冇食Omakase了，做完资料搜集后立即book咗依间性价比几高嘅鮨店！平时食开晚市Omakase最基本都要千尾至二千几蚊一位，依度只需要一千头，内容物都几丰富，食食下都食咗两个几钟，质素完全对得住价钱，绝对系抵食之选😽• 桜 SAKURA $1080先付、刺5点、料理一品、握リ寿司6贯、吸物、テザート前菜摆盘精美，共有三款小菜，顺住食用次序分别系目光鱼、𩽾𩾌鱼肝同白子。目光鱼味道有啲似九肚鱼，但肉质冇咁散，较结实。𩽾𩾌鱼肝质感细滑。冬季当造嘅白子入口即溶够creamy✨接住落嚟逐一呈上五款刺身。第一道系九绘鱼，属于一种白身鱼，白身鱼一般味道淡雅，然而九绘鱼鱼味颇浓，口感烟韧，配上乌鱼子及紫苏花再沾上酸汁，带出鲜味又唔会喧宾夺主👏🏻第二道系来自北海道嘅象拔蚌配昆布丝，弹性十足，非常鲜甜亦冇贝类容易出现嘅腥味🤤第三道系啱啱当造嘅香箱蟹，亦即系雌性松叶蟹。拆肉后放上橙啡色嘅真蟹子及经炸香嘅泽蟹仔，每一啖都充满住海洋鲜味😚第四道系秋刀鱼配炸葱丝及姜蓉，一向好钟意将秋刀鱼做成刺身嘅做法，正值秋天更系秋刀鱼最肥美嘅季节，肉质弹牙且油脂丰富，好好食😌压轴出场有厚切拖罗配上海胆，
• 桜 SAKURA $1080
先付、刺5点、料理一品、握リ寿司6贯、吸物、テザート
前菜摆盘精美，共有三款小菜，顺住食用次序分别系目光鱼、𩽾𩾌鱼肝同白子。目光鱼味道有啲似九肚鱼，但肉质冇咁散，较结实。𩽾𩾌鱼肝质感细滑。冬季当造嘅白子入口即溶够creamy✨
接住落嚟逐一呈上五款刺身。第一道系九绘鱼，属于一种白身鱼，白身鱼一般味道淡雅，然而九绘鱼鱼味颇浓，口感烟韧，配上乌鱼子及紫苏花再沾上酸汁，带出鲜味又唔会喧宾夺主👏🏻
第二道系来自北海道嘅象拔蚌配昆布丝，弹性十足，非常鲜甜亦冇贝类容易出现嘅腥味🤤
第三道系啱啱当造嘅香箱蟹，亦即系雌性松叶蟹。拆肉后放上橙啡色嘅真蟹子及经炸香嘅泽蟹仔，每一啖都充满住海洋鲜味😚
第四道系秋刀鱼配炸葱丝及姜蓉，一向好钟意将秋刀鱼做成刺身嘅做法，正值秋天更系秋刀鱼最肥美嘅季节，肉质弹牙且油脂丰富，好好食😌
压轴出场有厚切拖罗配上海胆，两款高质食材嘅鲜味融合埋一齐，满口油香充斥口腔，只能以幸福去形容😳
食完刺身就到熟食！熟食方面则有烧大虾同鸡心，大虾以鸡皮包裹再烧至香脆，鸡心几有咬口，点埋个蜜糖芥末酱有助解油腻～
之后又到咗我最爱嘅寿司环节！第一贯系深海池鱼，钟意食寿司嘅朋友应该都唔会陌生，细致爽弹嘅口感正是佢嘅特色，以清澈嘅白酱油调味，唔会破坏食材原有嘅色彩😌
第二贯系石垣贝，一种口感绵密嘅贝类，师傅呈上寿司嘅时候会拍打贝肉，贝肉会即时收缩，显示其新鲜度极佳之余肉质亦会变得更加爽口😚
第三贯系赤睦鱼，用上炙烧嘅做法迫出鱼油嘅香味，加上少许生蒜点缀增添风味☺️
第四贯系右口鱼，油脂丰富，同样采用炙烧嘅做法，而上高嘅系松露酱，本以为会好抢味，点知两者嘅味道都几夹🧡
第五贯系我期待已久嘅海胆，师傅毫不吝啬咁放上厚厚一层海胆，满口鲜甜嘅海胆令到味蕾好满足😳
最后则有浓味之首嘅赤边鲍鱼配鲍鱼肝酱，先吃爽弹鲍鱼肉，再将饭粒同鲍鱼肝酱混合，𠮶浸香味系会令人眼前一亮✨
接住呈上洋葱汤暖一暖胃，汤头味道较清，可以清一清口腔中残余嘅味道😌
最后嘅甜品都几有诚意，有清甜嘅日本蜜瓜、黄豆粉黑糖蕨饼同朱古力雪糕最中饼，结束依个咁完满嘅一餐😚
张贴
