燈籠滷味 (朗豪坊)

营业中

休息中

真系好钟意灯笼卤味，成日都当佢系饭堂，好多间分店都去过，旺角朗豪坊呢间分店装修得好有特色，灯笼高挂，霓虹灯闪烁，听著台湾国语歌，尤其在夜幕下更有台湾夜市嘅感觉！最钟意在招牌灯龙卤味推介中拣心水卤味拼搭，自由发挥想食乜拣乜，我都会先加入米线再慢慢谂，好似蹄膀、空心菜、贡丸、花枝丸、白萝卜、大豆皮、鸟蛋（鹌鹑蛋）都系我嘅最爱！卤水入味，食材高质，佢啲卤水好香，食完都唔会口渴，可以拣多酸菜多葱，份量都亦相当满足，仲可以加底，哈哈，真系好好味。蛋饼，我哋拣咗奶油芋泥、肉松、起司口味，最钟意呢种甜中有咸嘅味道，芋泥劲绵密，蛋香味突出。Shake Shake 海苔盐酥鸡，配有一包海苔Shake Shake 粉，可以自己Shake，Shake完之后盐酥鸡就沾满海苔粉，外脆内嫩，非常香口。