鐵牛台灣牛肉麵 (旺角中心第一座) (已結業)

美味的台湾面星期六和家人一起去了旺角中心附近，咁啱系食下午茶时间，就见到有个落地库嘅美食街咁样嘅商场。个商场有三间食肆，见到铁牛台湾面个样吸引啲，我哋就走咗入去，而且4点时间唔使等位，所以就入咗去帮衬。我嗌咗个招牌牛筋牛腩面，屋企人嗌咗个牛肚牛筋面（麻辣汁）。间餐厅系用QR code落单，十分方便。我哋仲嗌咗两杯台式饮品，一杯紫米红豆冰，一杯珍珠奶茶。我杯紫米红豆冰，比较少豆多水，所以就麻麻哋一般般。我的牛筋牛腩面好好味，个汤好好饮。牛腩的肉质好淋，好嫩滑。牛筋都好淋。好有去咗台湾旅行嘅感觉。屋企人嗌咗个辣面，我试咗一啖都真系好辣，唔系好岩我。地方环境好清洁，冇乜油烟，地下都冇乜垃圾，餐枱都抹得好干净，环境好舒适。下次经过都会再嚟帮衬。