Sky726

今日去咗间环境唔错嘅餐厅，可以由高处眺望旺角嘅闹市景。天气好蓝天白云都几靓，如果系夜晚嚟应该别有一番风味。之前嚟过食平日会有set lunch, 星期六日好似冇提供。我地首先点咗个前菜黑松露薯蓉($88)。虽然份量就唔系好多，但都几好食。薯蓉上面落咗d olive oil, 令佢保持住一个滑度。薯蓉都软滑嘅，佢个口感系会食到少少细粒状嘅薯蓉。黑松露味都重， 对于钟意食黑松露嘅人来讲都算满意。份量大啲会更好，唔够喉呀😂意大利手卷意粉伴野菌及辣肉肠 ($188)见其他意粉都系一啲常见嘅款式，所以今次特别拣咗一款系比较少食嘅。几欣赏佢嘅系芝士薄薄一片片咁样铺咗系面头，感觉高质，仲有切碎左嘅chives。手卷意粉真系第一次食，原来系呢个形状。整体嚟讲成碟意粉都系湿润，入边都有洋葱同埋菇菌类等嘅配料，令到成碟个材料好丰富，比较多唔同嘅口感。