YOLO Cafe & Bar (已結業)

喺旺角区嘅地舖Cafe比较少有，今日就相约朋友嚟到位于东铁线下染布房街嘅呢间YOLO Cafe & Bar。餐厅装修非常简约，以灰配白为主调，感觉舒服。午市套餐加$10可以享有精选沙律，带酸嘅黑醋汁令人开胃。加$10亦可拣选是日餐汤，忌廉蘑菇汤真材实料，仍保留蘑菇蓉嘅咬口。香辣蕃茄大虾意粉有好香嘅辣味，扁意粉够弹牙，配以六只大虾，绝对值回票价。慢煮温泉蛋卡邦尼意粉有浓浓嘅忌廉汁味，再简单配以烟肉，最后混入温泉蛋内嘅蛋黄酱，够晒饱满。YOLO招牌鸡翼可以选择酱汁，我哋拣咗法式蜜糖芥末汁，鸡翼本身炸得香脆，再加入蜜糖芥末汁就更滋味。柚子蜜糖饮系韩国柚子蜜，简单而解渴。另外嘅青柠梳打味道清新，最适合夏天饮用。