辛安東元祖奶奶雞 (已結業)

放假经过旺角，行到入黑布街揾下野食。呢间餐厅成日听人讲，今次系门口睇过menu，野食又唔太贵，就一于试下。餐厅有2层，好彩我地6点前已到，唔需要等位。走个阵见门口企满晒人排队。.烧肉生菜包睇过食评，见好多人都有叫，而卖相又几靓。黎到之后，自己剪完个五花肉再加入泡菜同酱料，几juicy，唔错。釜山烧烤鸡(半只)叫嘅时候店员有提醒制作需时，大概半个钟度。只鸡皮脆肉滑，热辣辣仲有肉汁，食个阵小心热亲。薯条都好食，够脆。.芝士玉子烧上枱个阵d芝士系流心的，小心热啊。