GRIND SIZE

营业中

休息中

喺旺角想求其食返餐，都会去女人街睇睇。💡经过呢间餐厅就畀畀门口嘅「穷撚卖咖啡」霓虹灯牌吸引住！餐厅有两层，入面纯白色嘅装修配上波希米亚风嘅毛毯同干花装饰🛟，可以拣坐 bar 枱、梳化、普通凳或者塌塌米，😊每一个角落感觉好轻松。食物上以西式为主，有轻食、主菜同甜品。☕️无论食早午餐、下午茶定晚餐都OK，可以约埋闺蜜放假去吹水，又或者放工拍拖都唔失礼。🥗价钱属中高价，而且有最低消费，喺女人街嚟讲算比较高级。🍳蟹籽明太籽流心西班牙蛋饼 $98上网见到啲人话个蛋饼系必食，开头觉得好奇怪，点解蛋都要 $98 咁贵。原来佢好厚，切开入面唔止流心，仲有满满嘅芝士可以拉丝，仲有啲类似杂菜嘅粒粒，上面嘅蟹籽同明太籽都算多，鲜甜开胃，好足料，唔系蛋咁简单呢！又可以打卡，又饱肚，仲几好食𠻹！🍝烟三文鱼‧松叶蟹肉‧明太籽‧猫耳粉 $148烟三文鱼卷成花，加埋粉色嘅明太籽酱，颜色好抢眼。猫耳粉几弹牙，每粒都包住满满嘅明太籽同松叶蟹肉，非常惹味！🧇芋泥奶黄牛角窝夫 $88呢个芋泥控一定要食！松脆嘅牛角窝夫铺咗层劲厚劲多嘅嘅芋泥同奶黄，唔会太甜唔会太腻，但就有满满幸福感！