影片
更多
2023-10-05
34 浏览
最近花园街新开一间铁板烧店连手摇饮品店，好奇心驱使下去望下个Menu，俾个铁板烧👑皇牌套餐吸引咗，就决定一试。入内都尚算光猛，有三张大铁板烧台可以俾客人就座用餐，近距离欣赏厨师喺你面前烹调铁板烧。皇牌套餐包括🥗前菜、沙律、时蔬、面豉汤同饭，仲有南非鲍鱼、大虾、带子/三文鱼/鱿鱼(任拣一款)同一款自选牛。👧🏽就拣咗带子同美国牛肉薄烧，而食肉兽👦🏻就拣咗贵啲嘅澳洲和牛厚烧。两只南非鲍鱼仲喺度蠕动紧😳真系极！度！新！鲜！影完靓相打完卡之后，厨师就准备烹调。厨师将虾头取出放到铁板边缘慢煎，随后侍应就上咗开胃前菜渍物同沙律俾客人。厨师首先煮🌶️红椒、翠肉瓜、粟米芯，十分清甜，蘑菇亦都唔会煮得太干。同时间厨师亦将大大只南非鲍鱼上铁板，纯熟去壳再烹煮🦪新鲜嘅鲍鱼遇热不断蠕动同收缩，视觉十分震撼，最后加上少许盐同胡椒调味就变咗我哋嘅桌上佳肴了。厨师烹煮鲍鱼嘅时间掌控得唔错，唔会过熟，十分弹牙同鲜味🤤跟住落镬嘅系原只带子同鱿鱼，简单用🧈牛油、盐同胡椒调味煎煮，已经十分香口。而较早嘅煎🦐虾头有浓浓嘅虾膏，胆固醇爆标不二之选。大虾就用上秘制酱汁汁煮，除咗同带子鱿鱼一样弹牙以外，仲多咗份浓浓咸香😛不过以上嘅海鲜
最近花园街新开一间铁板烧店连手摇饮品店，好奇心驱使下去望下个Menu，俾个铁板烧👑皇牌套餐吸引咗，就决定一试。
入内都尚算光猛，有三张大铁板烧台可以俾客人就座用餐，近距离欣赏厨师喺你面前烹调铁板烧。皇牌套餐包括🥗前菜、沙律、时蔬、面豉汤同饭，仲有南非鲍鱼、大虾、带子/三文鱼/鱿鱼(任拣一款)同一款自选牛。👧🏽就拣咗带子同美国牛肉薄烧，而食肉兽👦🏻就拣咗贵啲嘅澳洲和牛厚烧。
两只南非鲍鱼仲喺度蠕动紧😳真系极！度！新！鲜！影完靓相打完卡之后，厨师就准备烹调。厨师将虾头取出放到铁板边缘慢煎，随后侍应就上咗开胃前菜渍物同沙律俾客人。
厨师首先煮🌶️红椒、翠肉瓜、粟米芯，十分清甜，蘑菇亦都唔会煮得太干。同时间厨师亦将大大只南非鲍鱼上铁板，纯熟去壳再烹煮🦪新鲜嘅鲍鱼遇热不断蠕动同收缩，视觉十分震撼，最后加上少许盐同胡椒调味就变咗我哋嘅桌上佳肴了。厨师烹煮鲍鱼嘅时间掌控得唔错，唔会过熟，十分弹牙同鲜味🤤
跟住落镬嘅系原只带子同鱿鱼，简单用🧈牛油、盐同胡椒调味煎煮，已经十分香口。而较早嘅煎🦐虾头有浓浓嘅虾膏，胆固醇爆标不二之选。大虾就用上秘制酱汁汁煮，除咗同带子鱿鱼一样弹牙以外，仲多咗份浓浓咸香😛不过以上嘅海鲜喺视觉上嘅享受就较鲍鱼逊色了。
到食肉兽👦🏻最钟意嘅牛牛Time了。大大片美国牛肉薄烧，除咗品尝到本身牛香，中间加上香葱同蒜片🧄，增加口感之外，亦减低咗油腻感。而厚烧嘅澳洲和牛，厨师会问客人想要嘅熟度，Order咗生少少，出嚟嘅效果十分Juicy💦，牛味亦浓郁，厚厚肉嘅口感相比起薄烧牛更为满足。
食完肉，抖一抖，厨师就准备另一轮主食了。侍应奉上一小碟渍物同面豉汤🍲打开面豉汤碗盖，香味随即溢出，加上嫩滑嘅豆腐同爽脆嘅昆布，令👦🏻觉得惊艳。而厨师炒出大大碗嘅炒饭，用上牛肉、香葱同配菜炒成，就算系男士亦都一定够饱。套餐就可以半价加配饮品 👧🏽 拣咗柠檬寒天清茶，寒天有咬口，茶底配埋柠檬，微酸而不会过甜，味道不俗。而 👦🏻 就有点后悔拣咗喳咋瀑布，原因系因为好好味太足料！好似饮咗一大碗糖水落肚🧋，加埋呢餐铁板烧，饱到有啲饱上心口。
最后再点一份甜品多士🍞厨师用铁铲将溶咗嘅牛油淋上方包，再加上砂糖反转再煎❤️吸收咗牛油同砂糖嘅方包转眼变香脆甜多士，满足👧🏽嘅甜品胃，👦🏻亦正式饱到投降。
王牌套餐最平$368就可以食到海鲜同牛，加上厨师即席喺面前烹调嘅场面，呢一餐嘅性价比不俗，适合钟意尝鲜打卡嘅朋友仔一试✨
张贴
