八幡屋涮涮鍋

营业中

休息中

今次同男朋友去咗旺角琼华中心八幡屋刷刷锅食D4刺身海鲜火锅之盛宴。地铁站过去都好方便，而且记得提前预约，唔系可能就冇得食啦。 D4餐系可以任食好多嘢，而且有240分钟食。呢个套餐主打A4黑毛和牛肉、龙虾、多款海鲜，睇到我哋眼花撩乱。如果想享受完整四个钟，需要提早入座喔。 汤底我哋首选骨胶原猪骨汤，汤底味道浓郁，有猪骨嘅香味，感觉好滋补，饮咗之后觉得皮肤好似靓咗啲。 A4黑毛和牛肉放落去，成个香味都出嚟咗，唔使等耐，就可以慢慢享受和牛肉。佢嘅口感极其柔嫩，几乎入口即化，真心觉得好抵，因为真系好好食。 我哋仲食咗海鲜盛宴，满满嘅海鲜一大盘，有鲍鱼、青口、大蚬、扇贝、帆立贝、蚝、蛏子等，放落去之后，汤底都变得更加鲜味。重点系鲍鱼可以任食，仲有龙虾肉，非常弹牙鲜甜，感觉我哋都食回本咗。