影片
更多
2022-10-18
39 浏览
今晚放工又同friend行旺角，买完张六合彩，见到对面有间装修几新净嘅串烧店，又落紧雨，于是就近近地入左去试下。可能三号波，食dinner时间人客唔算多（大约一半满）。从装修新净度，我估呢间系新开嘅，因为枱凳真系好新净同坐得几舒服，眼见重有间VIP房，可间开坐四人。言归正传，串烧黎讲个menu都算丰富，佢分左海鲜类，蔬菜类，肉串类，烧丸肠，日台系列同厨师推介我地眼见隔离枱order嘅食物卖相都好正，于是就每一个种类都order一款试下。厨师推介：韩烧五花肉 (必食）＄68 果然系厨师推介第一位，五花肉烧得又淋又juicy又野味，配埋生菜夹住食唔会因为不停食肉而腻，劲正😍海鲜类：深烧堂特调烧花甲 ＄78，生烧原条秋刀鱼 ＄45花甲份量比想像中多，花甲肉算系中size, 食得出鲜味，衬埋有少少辣嘅金菇同个鲜味汤，系真系无order错。原本打算每一类都只order一款，但个friend见到隔离枱条秋刀鱼好香🤩，又order埋。秋刀鱼烧得好野味又唔会太干身，我唔系好食鱼嘅都食左三分一，因为层皮太野味，鱼肉都好嫩滑，又真系烧得好香。蔬菜类：烧韭菜＄16烧韭菜系我第一次食到最野味嘅韭菜。上碟排得好
可能三号波，食dinner时间人客唔算多（大约一半满）。从装修新净度，我估呢间系新开嘅，因为枱凳真系好新净同坐得几舒服，眼见重有间VIP房，可间开坐四人。
言归正传，串烧黎讲个menu都算丰富，佢分左海鲜类，蔬菜类，肉串类，烧丸肠，日台系列同厨师推介
我地眼见隔离枱order嘅食物卖相都好正，于是就每一个种类都order一款试下。
厨师推介：韩烧五花肉 (必食）＄68
果然系厨师推介第一位，五花肉烧得又淋又juicy又野味，配埋生菜夹住食唔会因为不停食肉而腻，劲正😍
海鲜类：深烧堂特调烧花甲 ＄78，
生烧原条秋刀鱼 ＄45
花甲份量比想像中多，花甲肉算系中size, 食得出鲜味，衬埋有少少辣嘅金菇同个鲜味汤，系真系无order错。
原本打算每一类都只order一款，但个friend见到隔离枱条秋刀鱼好香🤩，又order埋。
秋刀鱼烧得好野味又唔会太干身，我唔系好食鱼嘅都食左三分一，因为层皮太野味，鱼肉都好嫩滑，又真系烧得好香。
蔬菜类：烧韭菜＄16
烧韭菜系我第一次食到最野味嘅韭菜。上碟排得好整齐，烧完后加上辣粉，初时重怕会太辣（因我同个friend都唔系好食得辣）
肉串类：烧脆皮鸡中翼＄28
同秋刀鱼一样野味，又系皮脆肉嫩，唔会烧得太干身，如果唔系order左条秋刀鱼，我应该会再order多份烧鸡翼
烧丸类：流心芝士丸＄25🍡
呢串芝士丸系个waitress落单时推介，佢话串烧店好少会有呢只芝士丸，因为呢只芝士丸成本较贵，于是我地就试下....
但系又真系无介绍错，同平时打边炉食开只芝士丸系有分别。个皮系烟韧弹牙，里面流心芝士味香浓，不过要小心热，差d热到辣亲
日台系列：日本浆烧年糕串＄28🍢
呢个又系个落单waitress介绍。个年糕超烟韧，皮面日本浆汁都好浓味，呢串年糕系有surprise, 我谂唔系间间串烧店都有，而且真系坚好食
其实食串烧应该一定要饮啤酒🍺，呢度啤酒选择有嘉士伯，蓝妹，Asahi, 健力士同1664🍻🍻，可惜今晚有下场，要留返quota.🤣🤣
总括黎讲，呢间起MK嘅串烧店绝对有惊喜同好食。服务态度都好好，有留意我地食完每一碟就收走空碟。上菜时间都适中，大约五分钟左右上一碟，因为佢每碟都系即叫烧，串烧店黎讲都叫快上菜。如果去开MK又唔想再食西餐，日本餐，韩国餐，火锅嘅话，呢间系绝对值得一试嘅串烧居酒屋（因为有啤酒饮）
食左咁多野，埋单都系每人＄150，我自己就觉得CP值好高。系同朋友倾计饮酒食串烧嘅好地方！
张贴
