千房 (已結業)

旺角T.O.P.一直系后生潮人地，今日和朋友行街系四楼食个lunch。铁板牛肋肉 $78铁板上，中间系白饭，旁边有芽菜，甘笋丝，菠菜，洋葱，主角牛肋肉，日式蒜蓉汁。配菜预先淋左汁，好好味。牛肋肉牛味超浓，最岩我地中意食牛肉的人，配埋个蒜蓉汁，送饭一流！配味噌汤和冬菇丝，个汤中规中矩，冬菇丝好香好软好好味。豚肉烧 $68生配料上，自己烧。唔使惊唔会做，因为有教程放定系台面，傻瓜式跟住做就ok。将配料捞浑，倒落铁板煎，得闲翻下，将豚肉放旁边一起煎熟，做好后放醋酱，沙律酱同木鱼丝，大功告成！做好后效果超专业！自己做，食得令舍开心！如果唔想自己动手，可以坐吧台睇住师傅做，一样有得睇有得食！