Lab 66 (已結業)

今日约左系旺角食晚餐，朋友话想食西餐，我就拣左呢间试试佢。Menu上嘅食物都几有心思，同一般西餐厅嘅食物有啲唔同，因为唔算系全西餐，似fusion菜多啲。我地拣左1个头盘，1个小食，1个主菜。芒果软壳蟹卷见到好多人都有叫呢个菜，芒果份量少，味道亦都唔会抢左软壳蟹嘅味道。由于软壳蟹系油炸，配上生果同蔬菜，油腻感即时少左，感觉fresh左。加上少许沙律酱，整体感觉做得唔错。煎蚝饼味道唔错，料亦都唔少，建议用黎送饭，不过一夹起见到成个铁板都系油，食油都觉得油左少少，呢点可以改善一下。芝士鳗鱼饭好多芝士，啖啖饭都沾满芝士，一啲都唔悭皮。鳗鱼有2块，2个人食就刚刚好，不过由于啖啖都有芝士，食完都真系有啲腻。总括黎讲，呢间餐厅都有啲惊喜，而且菜式都有啲心思。呢个价钱对比旺角嘅餐厅黎讲系贵少少嘅，不过可以一试。呢间餐厅都算系有情调嘅，不过好坐程度就一般啦。