岩鹽日本料理 (MOKO新世紀廣場)

营业中

休息中

晨早流流去旺角有野做，搞掂之后去moko食个饭，朋友想食日本野，周围望左几间，见到哩间午市未开门已经好多人排队，而且午市套餐好多选择，有刺身、寿司、釜饭、火锅、烧肉等，所以就决定排队等候入座。因为我地之后重有野要处理，所以我地冇叫到烧肉／锅物，叫左寿司定食，贪佢快得黎又可以一解对日本美食嘅思念，但估唔到哩餐系咁唔满意。一落单后，侍应好快就上左前菜，包括茶碗蒸、味噌汤，牛肉乌冬、沙律同渍物，但系我冇谂过除左茶碗蒸外，其余所有野都系唔合格:茶碗蒸：正常发挥，但材料唔多味噌汤：淡而无味牛肉乌冬：比味噌汤更淡，而且牛肉片非常簿，汤又唔够热，有食紧「暖面」既唔好感觉沙律：好少汁，冇味精选寿司定食咁个前菜我都可以算，因为重点始终都系寿司。但侍应既上菜速度好急，可能系有用餐时间上限嘅缘故。寿司有中吞拿鱼腩、赤身、三文鱼腩、油甘鱼、赤虾、带子、海胆军舰同其他卷物。寿司只系一般新鲜，但重点既中吞拿鱼腩偏薄同冇咩油脂、带子细只兼失去左丰富既鲜味，好似收左水咁、海胆味道..好一般。重点，油甘鱼有条3-4cm长骨，好彩未吞。最后餐厅只可以选择雪糕或者咖啡/茶。杯热咖啡好早上，已经变左苦涩冻咖啡。总结，性价比低