松坂壽司麵食鐵板燒

营业中

休息中

天寒地冻，行完山之后都差唔多5:00先去到昂坪市集，喺昂坪落返东涌之后又冇嘢食㖞，于是就喺𠮶度周围揾嘢食，附近𠮶啲大排档士多，可能因为新年嘅关系，一碗公仔面两个𩠌要$50，于是我就行咗昂坪市集睇吓有咩嘢好食。呢间舖头嘅人都好有心，亦都可能因为冇乜客嘅关系，好主动咁去推介佢哋嘅嘢食，特别特别特别系，消费满$100就有一张由昂坪番东涌嘅车票，价值至少30，因为我去𠮶日系公众假期。所以二话不说，就入咗去食嘢，店员服务态度几好，刺身饭嘅质素都唔错，仲叫咗个牛肉拉面，不过啲牛肉就一般啦，志在食到餐饭又有免费车坐，都算系一个超值嘅选择。