大澳炭燒雞蛋仔叔叔 (已結業)

离开永安街过咗桥去到石仔埗街，呢度有几档卖海鲜，买完拎去酒楼食，价钱唔贵，呢段路有几档小贩，最旺系呢位阿伯嘅鸡旦仔，成日都排长龙，阿伯好有心机慢工出细货，唔会好生意就求其，整完会先放响到揾把大葵扇“put put”先。一路等一路睇海鲜档生㓥十斤重大海鲈，既残忍又剌激。睇完㓥鱼show就有得食。如果北角个D够脆口而牛头角个D有内涵的话，阿伯呢档就两者俱备。另外，有一档烧鱿鱼干都系由一位阿伯处理，烧得好香，烧好后阿伯仲会好有技巧咁剪咗烧㶶咗嘅部位出嚟，呢两位阿伯个种处事认真嘅态度，时下年青人好应该学吓。