影片
更多
2008-06-05
11 浏览
早几日结婚一周年纪念, 到高级的美国扒房ruth's chris'据扒庆祝, 所以我早一星期已订定位, 并要求卡座, 而且叫餐厅email左个menu比我参考, 所以食咩已经心里有数, 订位时佢地已问定我系普通晚饭定系有特别日子要庆祝, 他们会记录在案, 未食已感受到佢地餐厅的专业同诚意!! 一去到已有人接待, 佢地见到我的花束就同我地讲happy anniversary, 之后便请我地到卡座坐下, 其实呢度d客人大部份是西人, 所以服务员有一半系香港人, 另一半系讲英文的西人, 我地由一个后生而且讲广东话的男服务员serve我地, 他一开始详细介绍d食物, 例如无骨牛(filet, strip, rib-eye)系美国牛, 有骨(t-bone, porterhouse)系澳洲牛等等, 我地谂完后就叫左一个set 加多一个t-bone, 因为呢间美国扒房的食物份量不嬲都唔少架, 所以应该够食.....首先奉上左一条有6片的热法包, 并配上应该系自家制的淡味软牛油, d牛油非常软滑, 配法包真是一绝, 估唔到美国餐厅都有如此出色的餐前面包, 个set有一杯sparkling whit
一去到已有人接待, 佢地见到我的花束就同我地讲happy anniversary, 之后便请我地到卡座坐下, 其实呢度d客人大部份是西人, 所以服务员有一半系香港人, 另一半系讲英文的西人, 我地由一个后生而且讲广东话的男服务员serve我地, 他一开始详细介绍d食物, 例如无骨牛(filet, strip, rib-eye)系美国牛, 有骨(t-bone, porterhouse)系澳洲牛等等, 我地谂完后就叫左一个set 加多一个t-bone, 因为呢间美国扒房的食物份量不嬲都唔少架, 所以应该够食.....
首先奉上左一条有6片的热法包, 并配上应该系自家制的淡味软牛油, d牛油非常软滑, 配法包真是一绝, 估唔到美国餐厅都有如此出色的餐前面包, 个set有一杯sparkling white wine, d味道甜甜地, 界乎ice wine同香槟之间的味道, 都几好味!!
餐汤系一个辣辣地的海鲜汤, 细心的服务员已帮忙分为两小碗, 汤并无太多的海鲜味, 只有一点像日本咖哩的味道, 再加上汤中有一旧饭....怪怪的....
到上主菜啦, 太太点的us prime petite filet (8oz) with lobster tail($950的set)和老公的t-bone steak ($580)分别送上, 我地两个都系叫medium-well, 但其实个碟非常热, 好似铁板一样, 所以服务员再三提醒我地小心碟边, 牛扒只用左少量的黑椒和番茜调味, 并加上少量浓浓的牛油… 太太的顶级牛柳口感丰富和juicy, 配上英式芥末, 而龙虾尾亦已起肉, 爽口非常
而我的 Australian t-bone 虽然无porterhouse咁大, 但系味道和口感一样, 佢的系一边系strip, 一边系filet, 满足贪心的我, filet个边d texture取胜, strip个边肉味浓郁....唔驶点任何酱料已经非常美味和满足..
因为香港只有很少地方可以试到au gratin的食物, 所以side dish我地选择左au gratin, 即系法式的芝士焗薯, 其实食完牛扒后其实我两已饱饱....所以呢个咁腻的side dish都系食左 一半就算.....
坐左一阵, 同太太谈心后, 服务员为我们介绍甜品, 他们真系攞4 种实物甜品介绍比我地, 真有趣.....有chocolate sin cake, creme brulee, new york cheese cake 同breading pudding, 其实我们叫的set包左的一个甜品, 另外可加上$25改desert menu上的甜品, 我地要左一个cheese cake, 点知餐厅送左 一个bread pudding with whiskey sauce恭贺我地结婚一周年....真系好surprised......其实我地已经饱9成, 所以都系每样试左少少, d cheese 同 cream非常滑溜, 比出面d饼店好多二十几蚊一件的cheese cake 好得多, 最后我地要take away 回家慢慢叹..…
最后我地饮埋壶比平时香浓的lemon tea来消滞后便结赈
不得不提佢地的服务真的是一绝, 由高级到低级都做到一致, 令到客人有宾至如归的感觉, 由介绍菜式, 冻就主动调低空调温度, 提醒我地小心梯级同埋只碟好热, 食完会问你好唔好食, 系咪第一次来.........所有都令人感受到佢地的专业, 热情, 诚意, 虽然未必系全港最好, 但系已经系比很多五星级大酒店好得多, 佢地真系要向呢间餐厅学习学习!!
埋单$1,793(包一樽still water), 不便宜…………但食物同服务水准皆一流, 值得推介, 喜爱食牛扒的更加不可错过!!
张贴
